1 Եւ մեծ ձայնով կանչեց իմ ականջներին ասելով. Մօտեցէք, ով քաղաքի վերակացուները, եւ ամեն մարդ իր ապականիչ գործիքը իր ձեռքին։ 2 Եւ ահա վեց մարդ էին գալիս վերի դռան ճանապարհովը, որ դէպի հիւսիս է, եւ ամեն մարդ իր փշրող գործիքը իր ձեռին, եւ ա նորանց մէջ մէկ մարդ կար քթանի հագուստ հագած, եւ մի գրագիրի թանաքաման մէջքին. Եւ եկան ու կանգնեցին պղնձի սեղանի կշտին։ 3 Եւ բ Իսրայէլի Աստուծոյ փառքը վեր բարձրացաւ այն քերովբէի վերայից, որի վերայ որ էր, դէպի տան սեամը։ Եւ կանչեց այն քթանի հագուստ հագած մարդին, որ գրագիրի թանաքաման ունէր մէջքումը. 4 Եւ Տէրը ասեց նորան. Անց կաց քաղաքի միջովը այսինքն Երուսաղէմի միջովը, եւ գ նշան դիր այն մարդկանց ճակատներին դ որ հառաչում եւ ողբում են նորա միջումն արած բոլոր պղծութիւնների համար։ 5 Եւ միւսներին ասեց իմ ականջների առաջին. Գնացէք նորա ետեւից քաղաքի միջովը եւ զարկէք, ե ձեր աչքերը չ’խնայեն, եւ չ’ողորմէք։ 6 զ Ծերին, երիտասարդին, եւ կոյսին ու երեխային ու կանանցը սպանեցէք փչացրէք, բայց է ամեն ով, որ վերան նշանը լինի՝ նորան մի մօտենաք, եւ ը իմ սրբարանիցն սկսեցէք։ թ Եւ նորանք սկսեցին այն ծեր մարդկանցից, որ տան առաջին էին։ 7 Եւ ասեց նորանց. Պղծեցէք տունը եւ գաւիթները լցրէք սպանուածներով, դուրս եկէք. Եւ նորանք դուրս եկան եւ ջարդեցին քաղաքումը։
8 Եւ երբոր նորանց զարկեցին, եւ ես մնացի, ժ ես վայր ընկայ երեսիս վերայ եւ գոչեցի եւ ասեցի. ի Աւա՜ղ, ով Տէր Եհովայ, մի՞թէ դու փչացնելու ես Իսրայէլի բոլոր մնացորդը քո սրտմտութիւնը Երուսաղէմի վերայ թափելով։ 9 Եւ ինձ ասեց. Իսրայէլի եւ Յուդայի տան անօրէնութիւնը շատ եւ շատ մեծ է, եւ լ երկիրը արիւնով լցուել է, եւ քաղաքը լիքն է անիրաւութիւնով, որովհետեւ ասում են թէ խ Տէրը թողել է երկիրը, եւ ծ Տէրը չէ տեսնում։ 10 Եւ հիմա ես էլ կ աչքովս պիտի չ’խնայեմ եւ պիտի չ’ողորմեմ, հ նորանց ճանապարհը իրանց գլուխներովն եմ տալու։
11 Եւ ահա այն քթանի հագուստ հագած մարդը, որի մէջքումն էր թանաքամանը, պատասխան տուաւ եւ ասեց. Ես արի ինչպէս որ ինձ հրամայել էիր։
Եզեկիել 9